Në 77-vjetorin e vrasjes së patriotit dhe veprimtarit të shquar shqiptar Hasan Prishtina, është promovuar libri me kujtimet e tij, i përkthyer në anglisht. Drejtues të shtëpisë botuese “Rrokullia”, e cila ka bërë gati për botim edhe versionin në anglisht të “Nji shkurtim kujtimesh mbi kryengritjen shqiptare të vjetit 1912”, gjatë ditës së shtunë kanë vizituar varrezat e dëshmorëve në qytetin verior të Shqipërisë, Kukës, ku që nga viti 1978 prehen eshtrat e Hasan Prishtinës. Ndërsa mbrëmjen e së shtunës, kafe libraria “Dit e Nat” ka qenë nikoqire e takimit në të cilin është shpalosur vija politike e trashëguar nga Hasan Prishtina.